chatbox code ;3

許廷鏗 - 面具

考完年中試攞
極開心
開心到唔知做乜好
其實今次最主要係考生物、其餘啲科都唔計嘅。(除咗中文之外)
我今年淨係考兩科都已經死緊、真係唔想想像出年要考5科。。。

而家每晚都至少上網睇2小時電視、就是因爲這個原因。。。
唔好再自己騙自己啦！！！係因爲懶！！！！！係我承認、完全係因爲自己懶惰。但係我真係無法忍受網絡所帶嚟嘅誘惑—實在太多啦！有facebook，有無數電視劇。。。

我人生的電視旅程
以前
每晚喺電視睇1小時TVB8:30電視劇
中間
每晚喺網絡睇2小時TVB電視劇
今年
每晚喺網絡睇2小時TVB電視劇+1小時台劇
加上俄而一日睇晒全套劇。。
仲未計睇幕後花絮，訪問。。。

點解今年會有咁大變化呢？都怪我啲朋友、猛咁向我介紹台劇。
以前我係唔睇台劇㗎。完全唔睇。因爲講國語、我本人唔係好鍾意聽。(以前的我)
有一日、我覺得、睇吓無妨呀。。錯晒！
一睇、完全中晒毒！
仲記得我睇嘅第一部台劇係「下一站、幸福」
嗰日係第一日放假、但我仲未適應、所以還喺七點鐘就起身。
決定咗睇吓究竟呢套劇有咩領導我身邊咁多人迷佢。
睇咗第一集。
跟住就一路睇都第二日凌晨3點。
如今、我中晒毒、冇得返轉頭。而家我已經迷上台劇。
唸返轉頭、仲記得曾經講過唔會睇台劇。但係到頭嚟都染上台劇癮。

近排有好多人勸我睇韓劇。

所以，我而家要發誓，我係絕對唔會迷上韓劇㗎！
最好嘅方法、就係永遠都唔好點擊入韓劇、噉我應該唔會有事㗎啦。

誓我就發咗啦、
記住、要咗得到啊！
我係得嘅！

老鼠